መስከረም ፣20/2019(የአለም ገበያ ከተማ አስተዳደር የመንግስት ኮሙኒኬሽን )

በስልጤ ዞን ብልጽግና ፓርቲ ጽ/ቤት የተመራ ከፍተኛ የሥራ ኃላፊዎች የኢንስፔክሽን ቡድን በዓለም ገበያ ከተማ አስተዳደር የፈጻሚ ማዘጋጃ የዕቅድ ዝግጅት ሂደት ለመደገፍና ለመከታተል የኢንስፔክሽን ሥራ መካሄድ ጀምሯል።

የድጋፍና ክትትል ሥራውን የሚያከናውነው ቡድን በዞኑ ብልፅግና ፓርቲ ቅ/ጽ/ቤት የአደረጃጀት ዘርፍ ኃላፊ አቶ ሳሊያ ሀሰን፣ የዲሞክራሲና ባህል ግንባታ ዘርፍ ኃላፊ አቶ አማን ከድር እና የስልጤ ዞን ስራ ዕድል ፈጠራና ኢንተርፕራይዝ መምሪያ የማኑፋክቸሪንግ ዘርፍ ኃላፊ ወ/ሮ መህቡባ ሱራጅ የተመራ ነው።

ይህ የኢንስፔክሽን ቡድን በፈፃሚ ማዘጋጃዉ አሁን ባለበት የዕቅድ ዝግጅት ምዕራፍ ላይ እያጋጠሙ ያሉ ጠንካራ ጎኖችንና ክፍተቶችን በመለየት አፈጻጸሙን ይበልጥ ውጤታማ ለማድረግ ግብረ-መልስ ይሰጣል ተብሎ ይጠበቃል።